კრებული მოიცავს 1989-2001 წლებში სამხრეთ ოსეთის ავტონომიურ ოლქში და აფხაზეთის ავტონომიურ რესპუბლიკაში კონფლიქტების ამსახველ უმთავრეს პოლიტიკურ-სამართლებრივ აქტებსა და დოკუმენტებს, კერძოდ, ესენია:

1. ავტონომიური რეგიონების ხელისუფლების ორგანოების აქტები, მიმართული რეგიონალიზაციის, პოლიტიკური დეცენტრალიზაციის, სახელმწიფოსაგან

2. საქართველოს სახელმწიფო ხელისუფლებისა და სამთავრობო ორგანოების აქტები, მიმართული სახელმწიფო სუვერენიტეტისა და ტერიტორიული მთლიანობის დაცვა-განმტკიცებისაკენ;

3. კონფლიქტთან დაკავშირებით მეზობელი სახელმწიფოების (სსრ კავშირი, რსფსრ) და საერთაშორისო ორგანიზაციების (გაერო, ეუთო, ევროსაბჭო, ევროკავშირი, დსთ) გადაწყვეტილებანი;

4. კონფლიქტების მშვიდობიან მოწესრიგებასთან დაკავშირებული ორმხრივი და მრავალმხრივი შეთანხმებანი.

5. პრობლემასთან დაკავშირებული სხვა დოკუმენტი.

მასალის სრულად წარმოჩენის მიზნით კრებულში შეტანილი ბევრი დოკუმენტი გადმოცემულია შემოკლებით, ამონაკრების სახით - იმ პოზიციებით (თავები, მუხლები, აბზაცები), რომლებიც ზუსტად შეესაბამება კრებულის მიზანდასახულობასა და საკუთრივ დოკუმენტის სულისკვეთებას.

გამოცემის მიზანია ფართო საზოგადოებისთვის მისაწვდომი გახადოს საქართველოში რეგიონული კონფლიქტების ამსახველი ვრცელი პოლიტიკურ-სამართლებრივი ინფორმაცია (ცოდნა); დოკუმენტურად აჩვენოს კონფლიქტების გენეზისი ამ ორ რეგიონში - რამ გამოიწვია პოლიტიკური დაპირისპირება - კონფლიქტი, როგორ დაიწყო და გადაიზარდა იგი შეიარაღებულ კონფლიქტში და როგორ წარიმართა მათი შემდგომი მშვიდობიანი მოწესრიგების პროცესი, რა შედეგები და მომავალი აქვს ქართულ-რუსულენოვანი კრებული, რომელსაც არა აქვს სრულყოფილების პრეტენზია, კონფლიქტებისადმი მიძღვნილ ანალოგიურ ნაშრომებთან ერთად, განკუთვნილია როგორც ერთგვარი გზამკვლევი და სახელმძღვანელო ამ პრობლემით დაინტერესებული უფართოესი საზოგადოებისათვის. კრებული მოწოდებულია აგრეთვე დაეხმაროს კონფლიქტში უშუალოდ ჩაბმულ მხარეებს პრობლემის რაც შეიძლება ღრმად გააზრებასა და თავიანთი წილი პასუხისმგებლობის გაცნობიერებაში.